Praktiku esperanton en Kvinpetalo !
Internacia esperanta kultur-centro en departemento Vieno (86)
Kongresojn ne eblas ĉeesti la tutan jaron. Tamen eblas ĉeesti malmultkoste internaciajn renkontiĝojn en esperanto-centroj kiel Kvinpetalo, kiu proponas la tutan jaron staĝojn por vasta publiko.
- SYM (Société Yvonne Martinot)
Kvinpetalo estas esperanta kulturcentro administrata de la asocio SYM (Société Yvonne Martinot). Ĝi organizas staĝojn por instrui pri esperanto kaj pri diversaj aspektoj de esperanta kulturo (historio de la movado, literaturo, ktp.) kaj ankaŭ staĝojn pri diversaj fakoj (muziko, teatro, piedmigrado, botaniko, heraldiko, kuirarto, por citi nur ĉi jaran programon) per esperanto.
Dum tiuj staĝoj, oni serioze laboras kaj multe lernas (kio tute ne signifas, ke oni ne amuziĝas, male...) kaj konstante praktikas la lingvon en ĉiutagaj situacioj. Sed eblas ankaŭ ripozi en kvieta kampara ĉirkaŭo kaj ĝui la amikan etoson kaj vivstilon de la centro.
Kompreneble eblas prepari kaj trapasi la oficialajn ekzamenojn de FEI , okaze de ekzamensesioj organizataj fine de la staĝoj.
Kvinpetalo enhavas, krom sia propra ampleksa biblioteko, la librarojn postlasitajn de du elstaraj francaj esperantistoj, Gaston Waringhien kaj Roger Bernard. La libroj kaj diversaj dokumentoj estas konsulteblaj nur surloke.
Ĝia libroservo proponas al la staĝanoj plej novajn eldonitaĵojn.
Kvinpetalo ankaŭ organizas perkorespondan kurson kvarnivelan. La unua nivelo taŭgas por komencantoj, la dua por progresantoj, ktp. La aliĝintoj ricevas lecionojn kaj taskojn, kiujn ili plenumas kaj resendas por korektado.
Jen la venontaj staĝoj :
| Jul. 8a-12a | Praktikado de la lingvo (2a grado) skriba kaj parola. Paŝoj al la Supera ekzameno | José Lafosse k Suzanne Bourot |
| Jul. 29a-Aŭg. 6a | Muzika Staĝo - Kantoj, Ĥoroj, Orkestra muziko - Realigo de KDo. Eblas ĉeesti nur parte. | Markov-familianoj |
| Aŭg. 12a-16a | Kvargrada Kurso : "Survoje al diplomo Altaj Studoj ". Tiu staĝo direktiĝas al ĉiuj. (Ĝis nun, oni ne planis ekzamenan sesion dum ĉi staĝo) | Michel DucGoninaz k Janine Dumoulin |
| Aŭg. 12a-16a | Preparado al traduko : (2a/3a grado) skriba parola (trejnado al tuja kaj samtempa tradukadoj) | Suzanne Bourot k Serge Sire |
| Aŭg. 16a | Prelego de Ĵak Le Puil kaj Armelle le Quint
(OSIEK premiitaj por traduko de "Vojaĝo ĝis noktofino" de Celine) Tradukado : arto aŭ tekniko ? Kanzona vespero, far Ĵak Le Puil | Ĵak Le Puil k Armelle le Quint |
| Okt. 27a-31a | Praktikado de la lingvo duagrado Praktika pedagogio, por esperanto-instruantoj/ontoj | Suzanne Bourot k Serge Sire |
Vizitu kaj ekĝoju kvinpetalumi !
KVINPETALO
Esperanto-Centro
19 Rue du Lavoir
F-86410 BOURESSE
Tel./Faks. 33 (0)5 49 42 80 74
dum staĝoj : 33 (0)5 16 95 13 30
Ret : informoj(ĉe)kvinpetalo(punkto)org